حديث عائلي ذو سرية تامة !! 
ألوووا ،، ألووووا.... نعم، ما عم أسمعك مظبوط ثواني، هلق سامعيتني، مرحبا ماما، شو أخباركم، والله أنا بالأكثر مشتاق لكم .... كيف الصحة، أنا بخبر أي الحمد لله وأموري تمام ودراستي بخير،مبارح قدمت أخر امتحان بالامتحانات النصفية والحمد كل النتائج ممتازة .... الله يسلمك يا ماما توفيقي ونجاحي بسبب دعائك الدائم لي ماما شو بدي أحكي، والله نسيت وراح عن بالي أي أي أتذكرت رفيقي أحمد بعد أسبوع مسافر لأوكرانيا هه هه هه
الله عليك يا ماما يعني جاي لهون لعندي الزلمة كان بإجازة وراجع يكمل دراسته، المهم أذا خرج ترسلولي معه شوية أغراض
شو على كيفوا ما يجيب الأغراض معه، الشاب صاحبي ونحن أخوة، وانا على طول أسلفه فلوس لما يفلس فأكيد راح يجيبهم، وإذا ما رضي وقال معه وزن كثير أتصلي فيني وانأ بتصل فيه وبكسر رأسه
ماما عم تسمعيني اي بسرعة قبل مايفصل الخط معك ورقة وقلم طيب سجلي عندك
أربع علب جل للشعر لأنو الجل بأوكرانيا سيئ كتير وما بثبت الشعر، كيلو كهوة عربية (قهوة ) علبة حلويات مشكلة لانو الصبح لما فيق لازم أكل كم قطعة قبل ماأشرب السيجارة، لا حول ولا قوة الا بالله العلي العظيم والله يا ماما عم حاول أتركه بس ما عم أقدر، وكمان الدخان هو يلي مصبرني على الغربة وبعدي عنكم ...
ماما شو أخر شي كتبتي، أيو، وكمان بدي سمن عربي من أجل المنسف والكبسة
شو كمان والله نسيت طيب ماما هذه كل الأغراض يلي محتاجها والله يعطيك العافية
أكيد ماما هلق ببعتلك رقم رفيقي مسج من الجوال وخلي أخوي محمد يحكي معه، ويقول له أنا اخ كسار رأسك هه هه هه هه
عم أمزح ماما والله هذا الشب مثل أخوي الصغير
طيب ماما أيمت بدكم تبعتولي الحوالة ( المصروف الشهري ) والله يا حجة (الأم) بعرف أنو وضع الحاج (الأب ) صعب بس والله ما عم تكفي الفلوس لنص الشهر أذا خرج تحكي مع الحاج وخليه يزدهم شوي لانو بدي أشتري كم هدمة (ملابس ) لا تنسي يا حجة
وأمانة وصلي سلامي كل أخوتي وأخواتي وجميع الأقارب والأصدقاء والقبيلة، وكل من يسأل عني
رضاكي يا حجة، وأمانة يا حجة لا تنسي تقنعي الحاج يزيد الحوالة، طيب الله يسلمك
يا الله مع السلامة
هذه مكالمة هاتفية لأحد الشباب العرب في أحد محطات ميترو خاركوف، قد سمعتها عندما كنت أنتظر الميترو الذي سوف يقلني الى منزلي، ومئات غيري من الشعب الأوكراني قد سمع تلك المكالمة لقوة صوت الشاب العربي، وبالرغم من ضجيج الميترو وأصوات الناس !!!
ولكن لا أعلم اذا كان هناك أحد من الموجودين من الأخوة العرب أو من اللذين يفهمون ويتقنون لغة الضاد قد فهم حديث الشاب مع أمه كما فهمته أنا .
بقلم المخرج الشاب المهند كلثوم من مدينة خاركوف – مدينة العلم وَ العلماء
تقوم الأوراس للخدمات العامة بتقديم خدمات طلابية على نطاق واسع
19-02-2010
|
اليوم
